તૂટી પડ્યો

ધમધોકાર વરસાદમાં

કેટ કેટલાય વાદળો વરસી પડ્યા

ક્યાંક સંતાયેલા ક્યાંક છુપાયેલા

મોજાઓ ક્યાંક ઉછાળી ક્યાંક કુદી પડ્યા

ક્યાંક ધરબાયેલા ક્યાંક ઘમરોળાયેલા

વહી ગયા પાણીની ધાર સાથે

કળા ડીબાંગ વાદળો

તૂટી પડ્યા ચોમેરથી ધારા માથે

મોરના ટહુકા સંતાય ગયા

ભયંકર ગરજતા વાદળ વીજળી પાછળ

વીજળીના ચમકારાઓ

ક્યાય ખોવાઈ ગયા આ અંધારપટમાં

ચારેકોર જળબંબાકાર

લો, શોધો જગ્યા, હવે સાગરમાં સમાઈ જવા. 

રાગ ગાર્ગી રાવલ 

ખળભળાટ

વિચારોની આ વણથંભી વણઝાર,

કોઈ આવીને એને કહોને થંભી જાય.

આ આગ ઝરતો રોષ,

કોઈ આવી એને કહોને બુઝી જાય,

મનને ઝૂનઝાવી દેતો આ વિષાદ,

કોઈ આવી એને કહો શાંત થાય.

શ્વાસની સાથે ચાલતી આ તુટક ગતિ,

કોઈ આવીને એમાં શ્વાસ ભરી જાય.

અવિરત આંસુઓની આ ધાર,

કોઈ આવીને આપે અને હાથ.

ટક ટક ચાલતી આ ઘડિયાળ,

કોઈ આવી કહે એને થોભી જાય.

માણવી આ જિંદગીને આજ,

કોઈ આવે અને સમય ને કહી દે રોકી જાય...  

16/2/2013

- રાગ ગાર્ગી રાવલ 

આભમાંથી એક ટીપું ઓચિંતું સરી પડ્યું,
અને મારા વિચારોનું વમળ તૂટી ગયું,
જાણેકે મારી ચિંતાઓનું વાદળ ખરી પડ્યું,

વાદળમાંથી પડતા વરસાદમાં,

કેમ જાણે હું મન મૂકીને રડી પડી,
અને અંતરના ઊંડાણમાંથી કોઈ બોલી ઉઠ્યું

આજે ફરી તે રસ્તો રોકી લીધો અને;
યાદોનો એક ખડકલો આગળ ધરી દીધો
તૂટેલું મન આજે ફરી તૂટી પડ્યું.

- રાગ